Danganronpa

Elitar akademiyanın on beş yeni şagirdi qəfildən məktəb binasında tələyə düşür. Təhsil ocağının rəhbəri olan Monokuma adlı ayı yeniyetmələrə qəddar oyunun başladığını bildirir. Azadlığa çıxmağın yeganə yolu sinif yoldaşlarından birini gizlicə öldürmək və məhkəmə zamanı ifşa olunmamaqdır.

Əgər qatil ifşa edilərsə, onu dərhal edam gözləyir və sağ qalanlar mübarizəni davam etdirir. Cinayətkar sirrini qorumağı bacardıqda isə yalnız özü xilas olur, qalan şagirdlər isə həyatını itirir. «Danganronpa» anime serialının qəhrəmanları yalnız bir nəfər sağ qalana qədər bir-birinə qarşı şübhə və təhlükə içində yaşamağa məcbur olur.

Yaponiya istehsalı olan layihə 2013-cü ildə «Lerche» studiyası tərəfindən hazırlanıb və 13 seriyadan ibarətdir. Ekran əsərinin quruluşçu rejissorları Seiji Kishi və Shinichiro Kimura, əsas səs rollarının icraçıları isə Yoko Hikasa, Nobuyo Oyama, Megumi Ogata və Chiwa Saitodur.