İndiki detektivlərə bir bax

Gənclik illərində Keyiçiro Naqumo ən qəliz sirləri asanlıqla açan dahi bir xəfiyyə kimi ad çıxarmışdı. Lakin yaşının otuzu ötməsi ilə birlikdə onun keçmiş şöhrəti də geridə qaldı. İndi isə o, həyatdan bezmiş, baxımsız və heç bir həvəsi qalmayan bir adam kimi köhnə ofisində darıxdırıcı xırda işlərlə məşğuldur.

Onun bu sönük günlərini Maşiro adlı məktəbli qız gözlənilmədən alt-üst edir. Qapını təpiklə açıb içəri girən inadkar qız Naqumonun yeni köməkçisi olacağını bildirir. Detektiv hər vəchlə ondan yaxa qurtarmağa çalışsa da, gənc qız inadından dönmür və ofisdə qalmağı bacarır.

İndi Maşiro təcrübəli xəfiyyəyə müasir texnologiyanı öyrətməli, Naqumo isə köməkçisinin həddən artıq böyük enerjisini və qeyri-adi gücünü idarə etməlidir. 12 seriyalı «Mattaku Saikin no Tantei to Kitara» anime serialı 2025-ci ildə Yaponiyanın LIDENFILMS studiyasında çəkilib. Rejissorları Rion Kujo və Koji Aritomi olan layihənin baş qəhrəmanlarını Junichi Suwabe və Kana Hanazawa səsləndirib.