Chaos;Child

Dağıdıcı zəlzələdən sonra Şibuya rayonu yenidən bərpa olunsa da, bu fəlakət sağ qalan insanların yaddaşında ağır izlər qoyur. Valideynlərini həmin hadisə zamanı itirən Takuru Miyasiro da bu şəxslərdən biridir. Şəhərdə silsilə qətllər törədilməyə başlayanda məktəbli gənc jurnalistika klubunun üzvü kimi dərhal bu işin təhqiqatına qoşulur.

Takuru baş verən hadisələrin altı il əvvəlki «NyuGen» cinayətləri ilə eyni tarixlərə təsadüf etdiyini üzə çıxarır. Nono Kurusu isə bunu təsadüf hesab edərək onun fikirləri ilə razılaşmır. Öz haqlılığını sübut etməyə çalışan gəncin çox az vaxtı var, çünki növbəti qətlin törədiləcəyi 29 sentyabr tarixi məhz bu gündür.

2017-ci il istehsalı olan «Chaos;Child» anime serialı məşhur «Steins;Gate» franşizasının bir hissəsidir. Cəmi 12 seriyadan ibarət layihənin hazırlanması SILVER LINK. studiyasına həvalə olunmuş, əsas obrazları isə Trina Nişimura və Monika Rial səsləndirmişdir. Ekran əsəri iki mövsümdən ibarətdir.