Qulyabanilər

Heyvan mənşəli qidalar vasitəsilə yayılan qorxunc epidemiyalar bəşəriyyəti kəskin şəkildə azaltdıqdan sonra dünya tamamilə dəyişir. İnsanlar sintetik qidaya keçərək xəstəliklərə qalib gəlsələr də, qorxu içində bir-birlərindən uzaqlaşır, virtual ünsiyyətə və distant işə üstünlük verirlər. Hakimiyyət hər bir vətəndaşın həyatına ciddi nəzarət edir və canlı görüşlər yalnız ailədə və ictimai mərkəzlərə çevrilmiş məktəblərdə baş tutur.

Hər bir addımın qeydə alındığı sakit bir Yaponiya şəhərciyində qəfil silsilə qətllər törədilməyə başlayır. Ciddi müşahidə sisteminin fəaliyyət göstərdiyi bu qapalı cəmiyyətdə qəhrəmanlar gözlənilməz cinayətlərin arxasında kimin dayandığını aydınlaşdırmalı olurlar.

«Rû=garû» tammetrajlı animesi rejissor Junichi Fujisaku tərəfindən Production I.G və Trans Arts studiyalarında lentə alınıb. 2010-cu il istehsalı olan bu Yapon trillerində əsas rolları Kanae Oki, Hiromi Igarashi, Marina Inoue və Miyuki Sawashiro səsləndirib.