Daisenki

Bəşəriyyətin Marsı məskunlaşdırması gözlənilməz nəticələrə gətirib çıxarır. Uzun illər boyu insanların inkişafını kənardan seyr edən və özlərini Tanrılar adlandıran yadplanetlilər bu addımdan sonra hücuma keçirlər. Onların məqsədi insanların qalaktika boyunca daha da irəliləməsinin qarşısını almaqdır.

Qanlı qarşıdurmanı dayandırmaq üçün müasir döyüş gəmisinin komandirinə gizli tapşırıq verilir. Lakin yadplanetlilərin ən təhlükəli tərəfi texnikaları deyil, insan şüurunu idarə etmək bacarığıdır. Düşmən insanları öz iradəsinə tabe edərək onları itaətkar təxribatçılara çevirir.

1993-cü ildə Yaponiyada işıq üzü görən tammetrajlı «Daisenki» hərbi-fantastik anime filmini Magic Bus studiyasında Kazunari Kume və Toshifumi Takizawa ərsəyə gətiriblər. Əsas rolları Hideyuki Tanaka, Hiroko Emori, Yuzuru Fujimoto və Shinya Otaki səsləndiriblər.