Terra e...

Bəşəriyyət yaşayış üçün yararsız hala düşmüş doğma planetini tərk edərək kosmik fəzada yeni sığınacaq axtarışına çıxıb. Buradakı nizam-intizama xüsusi kompüterlər nəzarət edir və yeni nəsillər laboratoriya şəraitində böyüdülür. Yeniyetmələr 14 yaşına çatdıqda onların yaddaşı silinir və onlar təyin olunmuş ailələrə təhvil verilir.

Lakin bəzən bu proses düzgün getmir və gənclərdə gizli xatirələr, eləcə də qeyri-adi ekstrasens qabiliyyətləri oyanır. Sistemi idarə edənlər Mu adlanan bu fərdləri dərhal məhv etməyə qərar verirlər. «Terra e...» tammetrajlı animesi bu cür təhlükəli vəziyyətlə üzləşən bir gəncin başına gələnləri əks etdirir.

Ekran əsəri 1980-ci ildə Yaponiyanın Toei Animation studiyası tərəfindən istehsal edilib. Filmin rejissoru Hideo Onçi olub, əsas rolları isə Cuniçi İnoe, Masaya Oki, Kumiko Akiyosi və Taro Şiqaki səsləndiriblər.