Mahoromatik: Avtomatik qız

Gizli müharibə dövründə bəşəriyyəti güclü düşməndən dəfələrlə xilas edən döyüş androidi Mahoro artıq ömrünün sonuna yaxınlaşır. Döyüşlərdən tamamilə uzaq qalmaq şərti ilə onun cəmi 398 günlük fəaliyyət resursu qalıb. Mahoro qalan günlərini silahlardan uzaqda, adi həyatın dadını çıxararaq keçirmək qərarına gəlir.

Keçmiş döyüşçü yetim qalan yeniyetmə Suqurunun evinə qulluqçu kimi işə düzəlir. Suquru ona qulluq edən bu qızın əsl keçmişindən və nə üçün məhz onun evini seçdiyindən tamamilə xəbərsizdir. Bir yerdə keçirilən günlər onları bir-birinə bağlasa da, Mahoronun sayılı günləri tükənməkdə davam edir.

12 seriyadan ibarət «Mahoromatik» anime serialı 2001-ci ildə Yaponiyanın Gainax və Shaft studiyaları tərəfindən istehsal olunub. Layihənin rejissorluğunu Hiroyuki Yamaqa və Şoci Saeki həyata keçirib, əsas obrazları isə Ayako Kavasumi, Riçard Kansino, Ai Şimizu və Bricit Hoffman səsləndirib.