Böyük dəniz döyüşü: 20000 millik məhəbbət

Gələcəkdə Yer kürəsi diktator Dariusun başçılıq etdiyi Qaviya imperiyasının nəzarəti altına düşür. Xəyalpərəst Rikki və dostu Ben batmış qədim Mu qitəsini, yəni Atlantidanı tapmaq üçün sualtı ekspedisiyaya yollanırlar. Aralıq dənizində imperiya qüvvələri onların tədqiqat gəmisini torpedalarla vuraraq batırır.

Fəlakətə uğrayan dostların köməyinə işğalçılara qarşı mübarizə aparan qabaqcıl «Nautilus» sualtı qayığı çatır. Kapitan Nemo və qızı Sofiya onları xilas etsə də, ciddi kapitan qonaqların gəmini tərk etməsinə icazə vermir. Nemonun da eyni qədim sivilizasiyanı axtardığı məlum olanda, Rikki ilə Ben sualtı qayıqda qalaraq yola davam edirlər.

«Kaitei Daisensou: Ai no 20,000 Miles» adlı tammetrajlı elmi-fantastik anime 1981-ci ildə Yaponiyada nümayiş olunub. Macəra filminin rejissoru Ippei Kuri, əsas rolların səsləndiriciləri isə Masato Ibu, Ryo Kurosawa, Junichi Ito və Yuko Kitamuradır.