Kite Liberator

İlk hadisələrin üzərindən xeyli vaxt keçsə də, Savanın harada olduğu hələ də sirr olaraq qalır. Şəhərdə isə hədəflərini səhvsiz vuran və arxasında sadəcə lələklər qoyan Ölüm Mələyi ləqəbli yeni bir qatilin sorağı gəzir. Heç kim bu amansız icraçının gündəlik həyatda Monaka adlı sakit bir gənc qız olduğunu güman etmir.

Ailəsinin əksəriyyətini itirən Monakanın astronavt atası Orudo işi səbəbilə Yer kürəsindən uzaqdadır. Aralarındakı məsafəyə baxmayaraq, ata ilə qız bir-birinə çox bağlıdır və atası mütləq geri dönəcəyinə söz verib. Gündüzlər məktəbə gedən və ofisiant işləyən utancaq qız yeni tapşırıq alan kimi tamamilə fərqli bir kəsə çevrilir.

«Kite Liberator» tammetrajlı animesi rejissor Yasuomi Umetsu tərəfindən lentə alınıb. ABŞ və Yaponiya istehsalı olan layihə 2007-ci ildə nümayiş olunub. Baş personajları Marina Inoue, Masakazu Morita, Mela Li və Devid Vinsent səsləndirib.