Evangelion

Qlobal fəlakət sayılan İkinci zərbədən sonra Antarktida buzlaqları ərimiş və bəşəriyyətin böyük hissəsi tələf olmuşdu. On beş il sonra, 2015-ci ildə Tokio-3 şəhəri Mələklər adlanan naməlum varlıqların hücumuna məruz qalır. İnsanları qorumaq üçün NERV təşkilatı «Evangelion» adlı nəhəng biotexnoloji robotlar hazırlayır.

On dörd yaşlı Shinji Ikari NERV rəhbəri olan atasının çağırışı ilə şəhərə gəlir. Mələyin qəfil basqını zamanı kapitan Misato Katsuragi gənci yeraltı qərargaha çatdırır. İllərdir uzaq qaldığı atası ilə görüşən Shinji gözləmədiyi tələblə üzləşir: o, dərhal robotun idarəetməsinə keçib şəhəri dağıdan məxluqla döyüşməlidir.

26 seriyadan ibarət olan 1995-ci il istehsalı Yaponiyanın bu məşhur anime serialı Gainax və Tatsunoko Production studiyaları tərəfindən çəkilib. Layihənin rejissorları Hideaki Anno və Kazuya Tsurumakidir. Əsas personajları Megumi Ogata, Kotono Mitsuishi, Megumi Hayashibara və Yuko Miyamura səsləndirib.