Macross Zero

1999-cu ildə Yerə düşən yadplanetli gəmisi insanlara qabaqcıl texnologiyalar bəxş etdi. Bu tapıntı BMT qüvvələri ilə onlara qarşı çıxan qruplaşmalar arasında səkkiz il davam edən qanlı müharibəyə yol açdı. Təcrübəli pilotların ard-arda həlak olması nəticəsində döyüş təyyarələrinin sükanı arxasına çox gənc hərbçilər keçməyə başladı.

BMT hərbi hava qüvvələrinin gənc pilotu Şin Kudou növbəti döyüş zamanı vurularaq Mayan adlı təcrid olunmuş tropik adaya düşür. Yerli qəbilə tərəfindən xilas edilən pilot burada qədim Protokultura izləri ilə qarşılaşır. Sakit görünən adadakı qeyri-adi enerji dalğalanmaları isə bəşəriyyətin bölüşə bilmədiyi yadplanetli texnologiyaları ilə eyni mənşəyə malikdir.

«Macross Zero» anime serialı məşhur «Macross» franşizasının hadisələrindən əvvəlki dövrü əks etdirir. 2002-ci ildə Yaponiyanın «Satelight» studiyasında rejissor Şoci Kavamori tərəfindən çəkilən layihə 5 seriyadan ibarətdir. Əsas personajları Keniçi Suzumura, Sanae Kobayaşi, Yuka Nanri və Akira Kamiya səsləndirib.