Caligula

Mobius adlı virtual məkan kədərdən və problemlərdən qaçmaq istəyənlər üçün sığınacaq kimi yaradılıb. Şüurlu proqram olan müğənni Mu öz mahnıları ilə bura düşənlərin qorxularını unutdurur və onların real dünya ilə bağını kəsir. Həmin məkandakı hər kəs yeniyetmə cildinə bürünərək məktəb illərini təkrar-təkrar yaşayır, çünki sistemin fikrincə insan ömrünün ən xoşbəxt dövrü məhz budur.

Lakin bu saxta cənnətdən çıxış yolu asan deyil. Qurulmuş nizamla razılaşmayan bir qrup gənc gerçək həyata qayıtmaq üçün birləşir. Onlar evə yol tapmaq məqsədilə bu virtual aləmin yaradıcısı olan Mu ilə mübarizə aparmağa məcbur qalırlar.

Fantastik döyüş janrındakı «Caligula» anime serialı 2018-ci ildə Yaponiyanın «Satelight» studiyası tərəfindən ərsəyə gətirilib. 12 seriyadan ibarət layihənin rejissoru Junichi Wada olub, baş rolları isə Chiharu Sawashiro, Nobuhiko Okamoto və Shunsuke Takeuchi səsləndirib.