Dəniz pişiyi

Bir nəfər yenicə doğulmuş üç pişik balasını analarından ayıraraq toxunma dairənin üstündə çayın axınına buraxır. Sahildəki balaca qız köməksiz canlıları xilas etməyə çalışsa da, güclü su axınına qalib gələ bilmir. Coşqun çay balaları dərhal tufanın başladığı açıq dənizə aparır.

Fırtına sakitləşdikdən sonra məlum olur ki, fəlakətdən yalnız bircə pişik balası sağ çıxıb. Dənizin ortasında tək qalan bu balacanın bəxtinə xeyirxah bir delfin çıxır. Yeni dost ona sığınacaq tapmaqda kömək edir və pişiyi bu yaxınlarda öz balasını itirmiş su samurunun himayəsinə aparır.

«Sea Cat» adlı tammetrajlı uşaq animesi 1988-ci ildə nümayiş olunub. Bu dramatik hekayənin animasiyasını məşhur «Oh! Production» studiyası ərsəyə gətirib.