Mən mələk deyiləm!

Hiciri akademiyasının birinci kurs tələbəsi Midori Saecima daim nikbin və şən xasiyyətinə görə yoldaşları arasında «Mələk» kimi tanınır. Tələbələrin sevgisini qazanan gənc qız məktəb şurasına seçilmək qərarına gəlir. Lakin debat günü hər şey planlaşdırıldığı kimi getmir: səhnədən enərkən ayağı büdrəyən Midori bütün məktəbin gözü qarşısında çox utancverici vəziyyətə düşür.

Çətin məqamda onun köməyinə seçkilərdəki rəqibi Akira Sudo çatır. Zəhmli görünüşünün arxasında xeyirxah xarakter gizlənən bu oğlan çoxdandır ki Midorinin diqqətini çəkmişdi. Hər iki gənc şuraya seçilir və birlikdə məktəb festivalının təşkilinə başlayır. Midori Akiraya daha da yaxınlaşmaq istəsə də, oğlanın keçmişindəki bəzi sirlər onun tam açılmasına mane olur.

1994-cü ildə Yaponiyada istehsal olunmuş «Tenshi Nanka Ja Nai» qısametrajlı şoco animesi Group TAC studiyası tərəfindən ərsəyə gətirilib. Filmin rejissoru Hiroko Tokita, baş rolların səsləndiriciləri isə Aya Hisakava və Toshiyuki Morikavadır.