Çətin dostluq

İki əsrdən çox davam edən təcrid siyasətindən sonra Yaponiya xarici dövlətlərlə əlaqələrə başlamaq məcburiyyətində qalır. 1854-cü ilin yazında kommodor Metyu Perrinin rəhbərlik etdiyi Amerika donanması hərbi güc nümayiş etdirərək bakufuları müqavilə imzalamağa vadar edir. Həmin ərəfədə Rusiya imperiyası da Şərq qonşusu ilə rəsmi diplomatik münasibətlər qurmağa cəhd göstərir.

Çar hakimiyyətinin məqsədi sərhədləri müəyyənləşdirmək və təzyiq olmadan ticarət əlaqələri yaratmaq idi. Bu səbəbdən vitse-admiral Yefimiy Putyatinin başçılığı ilə dinc nümayəndə heyəti Naqasaki limanına göndərilir. Danışıqlar yerli tərəfin ehtiyatlı mövqeyi səbəbindən ləng getsə də, aylar sonra limanların gələcəkdə açılması və Rusiyaya digər dövlətlərlə bərabər hüquqların verilməsi barədə ilkin razılıq əldə olunur.

«Çətin dostluq» adlı tammetrajlı tarixi anime 1997-ci ildə Yaponiyanın «Magic Bus» studiyası tərəfindən istehsal edilib. Cizgi filminin quruluşçu rejissoru Satoşi Dedzakidir, əsas rolları isə Seyzo Kato, Hiroşi Arikava, Masaru İkeda və Mari Maruta səsləndirib.