Air (film)

Qədim rəvayətlərə görə, vaxtilə dünyada o biri aləmlə əlaqəsi olan qanadlı qızlar yaşayırdı. Həmin dövrün hakimləri bu varlıqları müharibələrdə silah kimi istifadə edərək onların tədricən məhvinə səbəb oldular. Əsirlikdə saxlanılan sonuncu qızla yaxınlıq quran bir samuray və onun həyat yoldaşı nəsildən-nəslə ötürülən bir axtarış ənənəsinin əsasını qoydular.

Çağdaş dövrdə həmin döyüşçünün nəslindən olan Yukito Kunisaki anasını itirdikdən sonra kukla nümayişləri göstərərək şəhərbəşəhər gəzir. Okean sahilindəki kiçik bir qəsəbəyə gəlib çıxan gənc burada Misuzu adlı qızla tanış olur və onun evində qalmağa başlayır. Misuzunun yuxularında qanad açıb səmada uçduğunu öyrənən Yukito axtarışının məqsədinə yaxınlaşdığını hiss edir.

«Air» adlı tammetrajlı anime 2005-ci ildə Yaponiyada istehsal olunub. Dramatik filmin rejissoru Osamu Dezakidir. Əsas personajları Tomoko Kawakami, Aya Hisakawa, Hikaru Midorikawa və Chinami Nishimura səsləndiriblər.