Hitsuji no Uta

Kazuna Takeshiro anasının faciəvi ölümündən sonra körpə yaşlarından övladlığa götürən ailədə böyüyüb. Doğma atası böyük bacısı Chizunanı da götürərək başqa şəhərə köçüb və oğlu ilə bütün əlaqələri birdəfəlik kəsib. Yeni ailəsinin göstərdiyi diqqət və sevgiyə baxmayaraq, Kazuna tərk edilmişlik hissi və tez-tez baş qaldıran kədərdən əziyyət çəkir, son vaxtlar isə özünü idarə edə bilmədiyi qəribə ürəkbulanma və başgicəllənmə tutmalarından qorxur.

Atasının getmə səbəbini anlamağa çalışan gənc vaxtilə yaşadıqları köhnə evə baş çəkir. O, burada rastlaşdığı gözəl qızın əslində bacısı Chizuna olduğunu öyrənir. Kazuna bu görüşdən sonra Takeshiro nəsli üzərində əsrlər boyu davam edən qorxunc lənət haqqında acı həqiqəti eşidir və bu yükü artıq özü də daşımalı olur.

«Hitsuji no Uta» adlı qısametrajlı anime serialı 2003-cü ildə Yaponiyanın Madhouse studiyasında rejissor Gisaburo Sugii tərəfindən ekranlaşdırılıb. Dörd seriyadan ibarət olan bu dram və qorxu layihəsində obrazları Tomokazu Seki, Megumi Hayashibara, Satsuki Yukino və Shinichiro Miki səsləndirib.