Versal qızılgülü

XVIII əsrin ikinci yarısında Fransada cərəyan edən hadisələrin mərkəzində Oskar Fransua de Jarje dayanır. Atası varis arzusunda olduğu üçün qızını oğlan kimi böyüdüb ona hərb sənətini öyrətmişdir. İllər sonra kral qvardiyasının komandiri olan Oskar gələcək vəliəhd ilə evlənmək üçün ölkəyə gələn gənc Avstriya şahzadəsi Mariya-Antuanettanı qorumaq tapşırığını alır.

Sarayda gələcək kraliça ilə yaxınlaşan Oskar öz mühafizəçi borcunu şərəflə yerinə yetirməyə çalışır. Lakin Versalın dəbdəbəli və intriqalarla dolu həyatı sadə xalqın yoxsulluğu ilə kəskin ziddiyyət təşkil etməyə başlayır. Bu vəziyyət qəhrəmanın sədaqətini və daxili dəyərlərini ciddi sınaq qarşısında qoyur.

Tammetrajlı «Versailles no bara» animesi rejissor Ai Yoshimura tərəfindən 2025-ci ildə Yaponiyada ərsəyə gətirilib. Əsas obrazları Miyuki Sawashiro, Toshiyuki Toyonaga, Himika Akaneya və Felecia Angelle səsləndiriblər.