Flandriya iti

Balaca Nello Antverpen ətrafındakı kəndlərin birində xəstə babası və sadiq iti Patraş ilə birgə yaşayır. Rəssamlıq istedadı olsa da, ailəsini dolandırmaq üçün bazarda süd satmaq məcburiyyətində qalır. O, Alois adlı qızla səmimi dostluq edir, lakin qızın qəddar mülkədar atası bu münasibətə qarşı çıxır. Kasıb kəndli oğlandan qızını uzaqlaşdırmaq istəyən ata onu Antverpenə təhsil almağa yollayır.

Bazar meydanında olduğu günlərin birində Nello gənc rəssamlar üçün elan edilmiş müsabiqə haqqında xəbər tutur. Bu yarışmada qalib gələn iştirakçıya böyük pul mükafatı ilə yanaşı, şəhərin məktəbində incəsənət təhsili almaq imkanı təklif olunur.

«Flandriya iti» («Flanders no Inu») tammetrajlı dram anime filmi Yaponiyada 1997-ci ildə çəkilib. Layihənin rejissoru Yoşio Kurodadır. Əsas rolların səsləndirilməsində Takao Oyama və Katsumi Toriumi iştirak ediblər.