Bulud kimi, külək kimi

Sokan sülaləsinin on yeddinci hökmdarı vəfat etdikdən sonra taxt-tac onun gənc oğluna keçir. Yeni imperator dövlət idarəçiliyinə başlamaqla yanaşı, saray ənənələrinə uyğun olaraq özünə kənizlər seçməlidir. Ginga adlı gənc qız bu sınaqlardan uğurla keçərək hökmdarın sarayına daxil olmağı bacarır.

Lakin saray divarları arxasında həyat heç də sakit keçmir. Gənc imperator hakimiyyətini möhkəmləndirməyə çalışarkən, əyanlar və rəqiblər gizli fəaliyyətə başlayır və taxtı ələ keçirmək üçün təhlükəli bir qəsd hazırlayırlar.

«Kumo no You ni Kaze no You ni» adlı tammetrajlı anime filmi 1990-cı ildə Yaponiyada rejissor Hisayuki Toriumi tərəfindən ekranlaşdırılıb. Dram və melodram janrındakı layihənin əsas personajlarını Masaaki Tsukada, Nobuaki Fukuda, Koichi Kitamura və Yosuke Akimoto səsləndirib.