Aoashi

Kənd məktəbinin futbol komandasında çıxış edən Aşito Aoi meydandakı fərdi oyunu və gözlənilməz gedişləri ilə seçilir. Məhz onun zəhməti sayəsində kollektiv mühüm seçim mərhələsini adlayır. Lakin növbəti qarşılaşmada rəqibin təxribatına dözməyən Aşito emosiyalarını cilovlaya bilmir, kobudluğa görə meydandan qovulur və lidersiz qalan komanda turnirdən kənarlaşdırılır.

Bu hadisədən sonra gəncin qabiliyyətini görən gənclər komandasının məşqçisi Tatsuya Fukuda ona şans verir. O, Aşitonu Tokioda təşkil olunan xüsusi sınaq məşqlərinə dəvət edir. Paytaxtda ən bacarıqlı oyunçuların arasında yer alan Aşito öz gücünü tamamilə yeni səviyyədə göstərməli olur.

2022-ci il istehsalı olan «Aoashi» idman anime serialı rejissorlar Akira Sato və Jun Soga tərəfindən lentə alınıb. Production I.G studiyasında hazırlanan layihə 24 seriyadan ibarətdir. Əsas personajları Koki Osuzu, Chikahiro Kobayashi, Maki Kawase və Junya Enoki səsləndirib.