Hige o Soru. Soshite Joshikousei o Hirou.

Şirkət işçisi Yoşida beş il ərzində həmkarı Airi Qotoya bəslədiyi hissləri gizlədir. Nəhayət sevgisini etiraf edib onu görüşə çağıran gənc qəti rədd cavabı alır. Kədərini spirtli içki ilə unutmağa çalışan Yoşida evə qayıdarkən kandarda Sayu Oqivara adlı məktəbli qızla rastlaşır. Küçədə gecələməmək üçün ona yaxınlıq təklif edən qıza rəğmən, kişi heç bir qarşılıq güdmədən onu evinə dəvət edir.

Səhəri gün Sayu yarım il əvvəl evdən qaçdığını və indiyədək gecələdiyi yerlərdə kişilərə bədənini təklif etməyə məcbur qaldığını bildirir. Lakin Yoşida bu cür münasibəti rədd edir və ona cinsi yaxınlıq əvəzinə ev işlərində kömək etməyi tapşırır. Bu andan etibarən hər iki personaj üçün birlikdə yaşayışın yeni dövrü başlayır.

«Hige o Soru. Soshite Joshikousei o Hirou.» adlı 13 seriyalı anime serialı 2021-ci ildə Yaponiyanın «Project No.9» studiyası tərəfindən istehsal olunub. Ekran işinin rejissorluğunu Manabu Kavakita və Conatan Riqq həyata keçirib, baş rolları isə Kazuyuki Okitsu, Kana İtinose, Hisako Kanemoto və Yusuke Kobayaşi səsləndirib.