Gözəl və Əjdaha

On yeddi yaşlı Suzu anasının erkən vəfatından sonra atası ilə yaşayır və uzun müddətdir içindəki kədəri aşa bilmir. Əvvəllər anası ilə birgə oxumağı sevsə də, artıq oxumaqdan uzaqlaşıb, yalnız gizlicə mahnı sözləri yazır. Hisslərini ifadə etmək üçün qız milyardlarla istifadəçisi olan «U» adlı virtual məkana daxil olur. Orada özünə Bell adlı gözəl bir müğənni siması seçir və qısa müddətdə böyük fanat kütləsi toplayır.

Onun möhtəşəm virtual çıxışlarından biri qəfil peyda olan əjdaha cildli sirli qonaq tərəfindən pozulur. Hamının qorxduğu bu qəribə istifadəçinin arxasındakı həqiqi insanı tapmaq istəyən Suzu onun izinə düşməyə qərar verir.

«Ryu to Sobakasu no Hime» adlı tammetrajlı anime 2021-ci ildə Yaponiyada rejissor Mamoru Hosoda tərəfindən lentə alınıb. Baş qəhrəmanları Kaho Nakamura, Takeru Sato, Ikura və Shota Sometani səsləndiriblər.