Sənin rəngin

Katolik məktəbində təhsil alan Totsuko Hiquraşi insanları müxtəlif rənglərdə görmək kimi qeyri-adi qabiliyyətə malikdir. Məktəb yoldaşı Kiminin mavi çaları onu hamıdan çox valeh edir. Rəfiqəsi qəfildən dərsləri atanda Totsuko onun arxasınca düşür və axtarışlar onu bir kitab mağazasına aparır.

Kitabların arasında qarşılaşan qızlar musiqidən söhbət açır, bu an yaxınlıqdakı bir alıcı da onların danışığına qulaq müsafiri olur. Totsuko gözlənilmədən həmin oğlanı yaratmaq istədikləri musiqi qrupuna dəvət edir. Beləcə, bir araya gələn üç gənc dostlaşaraq öz musiqilərini bəstələmək qərarına gəlir.

«Kimi no iro» tammetrajlı anime filmi 2024-cü ildə Yaponiyada rejissor Naoko Yamada tərəfindən çəkilib. Baş qəhrəmanları Sayu Suzukawa, Akari Takaishi, Taisei Kido və Yui Aragaki səsləndirib.