Kimera

Vampirlər aləmindən Yer kürəsinə cinsiyyətsiz qəribə bir varlıq gəlir. Öz doğma dünyasında övlad sahibi ola bilməyən bu məxluq, insanlar arasında kişi cildinə girsə də, nəsil artırmaq bacarığı qazanır. Nəticədə ona ana olmaq vəzifəsi həvalə edilir.

Kimera adlanan bu canlının ardınca ona aşiq olan qardaşı, güclü vampir Kianu da öz aləmini tərk edir. Kianunun əsas məqsədi dünyanı ələ keçirməkdir. O, bəşəriyyətdən qat-qat üstün olan yeni bir vampir nəsli yaratmağa çalışır.

1997-ci ildə Yaponiyada ərsəyə gələn «Kimera» tammetrajlı qorxu və fantastika animesidir. Layihə animate Film studiyası tərəfindən istehsal olunub, ekran əsərinin rejissoru isə Kazuyoshi Yokotadır.