Moldiver

2045-ci ilin Tokio şəhərində yaşayan gənc Miray Ozora vaxtını daha çox dəb yarışmalarına və alış-verişə həsr edir. Onun böyük qardaşı Hiroşi isə nəhəng ZIC korporasiyasında çalışan istedadlı bir mühəndisdir. Hiroşi insanı fizika qanunlarından kənara çıxaran, ona uçuş bacarığı, inanılmaz güc və sürət bəxş edən «Mol-Unit» adlı unikal cihaz hazırlayır. Qurğunun yeganə mənfi cəhəti onun cəmi 666 saniyə fəaliyyət göstərməsidir.

Bu ixtiradan öz şöhrəti üçün istifadə etməyi düşünən Hiroşi xüsusi kostyum geyinərək «Kapitan Tokio» adlı superqəhrəmana çevrilir və mətbuatın diqqət mərkəzinə düşür. Lakin onun bütün planları sirli cihazın gözlənilmədən bacısı Mirayın əlinə keçməsi ilə alt-üst olur.

Altı seriyadan ibarət olan fantastik «Moldiver» anime-serialı 1993-cü ildə Yaponiyanın AIC studiyası tərəfindən istehsal edilib. Layihənin rejissor kürsüsündə Takeşi Aoki və Hirohide Fucivara əyləşib, əsas rolları isə Yukana, Toşiyuki Morikava, Doroti Elias-Fan və Uendi Li səsləndiriblər.