Scoopers

Jurnalist Yoko və onun həm operator, həm də mühafizəçi funksiyasını yerinə yetirən robot tərəfdaşı Vito riskli bir araşdırmaya başlayırlar. Onlar cəmiyyət üçün böyük təhlükə yaradan sirli cinayətkar Mister İksin əsl kimliyini üzə çıxarmaq niyyətindədirlər. Vito xanım həmkarının könlünü almağa çalışdığı vaxtda, axtarışlar onları gözlənilməz hadisələrin ortasına atır.

Atışmalar və təqiblərlə dolu təhlükəli yol cütlüyü Texnolend adlı əyləncə adasına gətirib çıxarır. Burada axtarılan cinayətkar Yokonu girov götürür və vəziyyət daha da qəlizləşir. Beləliklə, xanımı xilas etmək, yarımçıq qalmış araşdırmanı tamamlamaq və gözlənilmədən qarşıya çıxan daha bir çətin məsələni həll etmək bütövlüklə robot Vitonun öhdəsinə düşür.

«Scoopers» adlı tammetrajlı fantastik anime 1987-ci ildə Yaponiyada ACC Production studiyası tərəfindən istehsal edilib. Ekran işinin quruluşçu rejissorları Dzyun Hirabayaşi və Hideo Vatanabedir.