Ai shitî

Gələcəkdə dünya dəyişib və cəmiyyət psixi bacarıqlara malik Hedmeterlərlə dolub. Onların güc dərəcəsi döyüş zamanı birbaşa alın nahiyəsində əks olunur. Əvvəllər təcrübə obyekti olmuş Key adlı gəncin gücü beşinci pillədən yuxarı qalxmır. Lakin onun himayəsində olan balaca Ay təhlükə ilə üzləşəndə Keyin qabiliyyəti qeyri-məhdud səviyyəyə çatır. Qızcığaz isə bütün dünyanı alt-üst edə biləcək qorxunc bir sirr daşıyır.

Balaca Ayın ardınca düşən sirli düşmən və onun robot kostyumunda gəzən köməkçisi sonda qızı əsir götürməyə nail olurlar. Onu xilas etmək üçün Key tək qalmır. Qəhrəmana xəfiyyə və Keyin qeyri-adi gücünə şahidlik edərək tərəf dəyişmiş digər bir Hedmeter kömək edir. Yeni yaranmış dəstə qızın izinə düşərək onun gizlətdiyi sirri qorumaq üçün hərəkətə keçir.

«Ai shitî» tammetrajlı fantastik anime filmi 1986-cı ildə Yaponiyada istehsal olunub. Layihənin rejissoru Koiti Masimodur, animasiya işlərini isə Ashi Productions, AIC və Magic Bus studiyaları həyata keçirib. Baş qəhrəmanları Hirotaka Sudzuoki, Miyuki Ueda, Yudzi Ueda və Nati Nodzava səsləndiriblər.