Ephemere

Uran planetindəki oteldə işləyən və yaşayan Uta daim özünü digər insanlardan fərqli hiss edir. O, asudə vaxtlarında tək qalmağa üstünlük verir: kompüter arxasında sevimli məşğuliyyətləri ilə vaxt keçirir və ya kafelərə təkbaşına baş çəkir. Günlərin birində Utanın əlinə yeni bir həyatın qapısını aça biləcək «Gələcəyə bilet» keçsə də, o, vərdiş etdiyi günləri dəyişmədən yaşamağa davam edir.

Uran və Neptunun bir-birinə ən çox yaxınlaşdığı günə həsr olunmuş «Ulduz festivalı» yaxınlaşdıqca vəziyyət fərqli istiqamət alır. Uta festival ərəfəsində Neptundan gələn və pərəstiş etdiyi məşhur Paula ilə tanış olur. Paula ilə yaranan yaxın ünsiyyət gənc qızın həyatını dəyişdirəcək mühüm bir qərar qəbul etməsinə səbəb olur.

«Ephemere» adlı tammetrajlı fantastik anime 2024-cü ildə işıq üzü görüb. Ekran əsərinin istehsalı ilə «Studio Eight Color» və «Noovo» studiyaları məşğul olub.