Transformerlər: Zona

Üçüzlü qəribə canlı Violen Jiger qüdrətli «Zona Enerjisi» və «Zodiak» adlı artefaktı ələ keçirmək niyyətindədir. Məqsədinə çatmaq üçün o, doqquz deseptikon generalını Feminia planetinə göndərir və onlar enerji ehtiyatlarına görə planeti məhv edirlər. Autobotların lideri Victory Saber fəlakət zamanı Kain adlı oğlanı və onun ev heyvanını xilas etsə də, özü dağıntılar altında qalaraq ağır xəsarət alır.

Yaralı komandirin köməyinə cəsur döyüşçü Dai Atlas yetişir. O, düşmənin növbəti hücumunu dəf edir və bütün kainatı qorumaq üçün autobotların yeni rəhbəri kimi ön cəbhəyə keçir. «Transformerlər: Zona» adlı bu fantastik qısametrajlı anime iki qüvvənin kosmik qarşıdurmasını əks etdirir.

Ekran əsəri 1990-cı ildə Yaponiyada rejissor Hiromichi Matano tərəfindən çəkilib. Baş rolların səsləndirilməsində Mayumi Seto, Masato Hirano, Yukimasa Kishino və Daisuke Gori iştirak ediblər.