Dünyanın sonundakı hərəm

Reito Mizuhara ibtidai siniflərdən bəri tanıdığı yaxın rəfiqəsi Erisaya bəslədiyi sevgini uzun müddət gizli saxlayır. Ağır xəstəliyə düçar olan gənc şəfa tapmaq ümidi ilə dərman kəşf edilənə qədər beş il müddətinə hibernasiya kapsulunda yatmağa məcbur qalır. Ayrılmazdan öncə hisslərini etiraf edən gəncə Erisa onu səbirlə gözləyəcəyinə dair söz verir.

Beş illik yuxudan sonra oyanan Reito tamamilə dəyişmiş bir reallıqla qarşılaşır. Həmin müddət ərzində planetdə baş verən hadisələr cəmiyyəti büsbütün dəyişib və gənc oğlan ağlının ucundan belə keçməyən sınaqlarla üz-üzə qalır. İndi o, həm verdiyi vədə sadiq qalmağa, həm də yeni dünyanın gətirdiyi qəribə şəraitə uyğunlaşmağa çalışır.

2021-ci ildə nümayiş olunan 11 seriyalıq «Shuumatsu no Harem» anime serialı Studio Gokumi və AXsiZ studiyalarının ortaq layihəsidir. Ekran əsərinə Yu Nobuta və Tatsuya Fujinaka rejissorluq edib, əsas obrazları isə Taichi Ichikawa, Haruka Shiraishi, Natsuko Hara və Ayana Taketatsu səsləndirib.