Şahzadə Arite

Kral atası tərəfindən evlənənə qədər qəsrin uca qülləsinə qapadılan şahzadə Arite günlərini pəncərədən dünyanı seyr etməklə keçirir. O, bəzən gizlicə saraydan qaçaraq sadə insanların gündəlik zəhmətini kənardan izləyir. Cəngavərlər onunla evlənib taxta sahiblənmək üçün qədim sehrbazların yaratdığı sehirli xəzinələri tapmağa çalışsalar da, bu hədiyyələr qıza sevinc gətirmir.

Arite yad ölkələri kəşf etmək və gizlətdiyi kitablarda oxuduğu sadə həyatı yaşamaq istəyir. Qızın saray qaydalarına uyğun gəlməyən bu baxışları ətrafdakıları narahat edir. Günlərin birində uçan aparatı ilə saraya gələn sonuncu sehrbaz Boks, Arite ilə evlənib onu öz uzaq qəsrində əsl şahzadəyə çevirmək niyyətində olduğunu bildirir.

«Şahzadə Arite» tammetrajlı animesi 2001-ci ildə Yaponiyanın «Studio 4°C» studiyası tərəfindən istehsal olunub. Rejissor kürsüsündə Katabuçi Sunao əyləşib, əsas rolları isə Hoko Kuvaşima, Tsuyoşi Koyama, Minami Takayama və Yusuke Numata səsləndirib.