Kaydomaru

Heyan dövrünün Yaponiyasında dağlarda və meşələrdə gizlənən şər ruhlar insan cildinə girərək təhlükə yaradır. Bu bəlalara qarşı kapitan Raykonun başçılıq etdiyi elit Dörd Cəngavər dəstəsi mübarizə aparır. Əsilzadə ailəsi üsyançı əmisi tərəfindən qətlə yetirilən gənc Kintoki də bu döyüşçülərin arasındadır. Uşaq ikən onu ölümdən xilas edən Rayko qıza sahib çıxır və onu Kaydomaru adı ilə bir oğlan kimi böyüdür.

Qolunda alov döyməsi olan gənc qız illər ərzində hərb sənətinə dərindən yiyələnir və bacarıqlı samuraya çevrilir. Yaşı dolduqca o, xilaskarı Raykoya qarşı qəlbində güclü hisslər bəsləməyə başlayır. Lakin qəhrəmanın bu sevgisi onun keçmişi ilə əlaqəsi olan başqa bir qadının qısqanclığına səbəb olur.

Qısametrajlı tarixi anime filmi «Kaydomaru» 2001-ci ildə Yaponiyanın Production I.G studiyasında istehsal edilib. Ekran əsərinin quruluşçu rejissoru Kanci Vakabayaşidir. Əsas personajları Den Qrin, Hikaru Hanada, Ryudzo Hasuike və Yurika Hino səsləndirib.