Ninja şagirdləri

Feodal Yaponiya dövründə Byakuro və Kabusu qəbilələri arasında qanlı müharibə başlayır. Düşmənlər Byakuro qəsrinə gecə basqını edərək balaca şahzadəni qaçırmağa çalışırlar, lakin cəsur bir döyüşçü qızı xilas edərək onunla birlikdə gözdən itir. Zaman keçdikcə qəsr rəqiblərin əlində qalır.

İllər sonra altı gənc ninja şagirdinə işğal olunmuş qəsrə daxil olmaq və oradakı müqəddəs tumarı geri gətirmək tapşırılır. Tapşırıq yerinə çatan gənclər qaranlıq sehrdən istifadə edən çox güclü düşmənlərlə üz-üzə gəlirlər.

İki seriyadan ibarət olan «Ninja Mono» adlı bu qısa anime serialı 1996-cı ildə Yaponiyanın AIC studiyası tərəfindən hazırlanıb. Layihənin rejissorluğunu Eiji Suganuma və Keitaro Motonaga edib, rolları isə Kenichi Suzumura, Katashi Ishizuka, Jack Cox və Sandy Fox səsləndirib.