Juliet

Varlı valideynlərini itirən bacı və qardaş Anna ilə Naruto uşaq yaşlarında böyük sərvətə sahib çıxırlar. Birlikdə yaşayan cütlükdən Naruto bacısının həyatını tam nəzarətdə saxlayır və onun evdən çıxmasına icazə vermir. On altı yaşı tamam olan Anna tapdığı pişik balasını da götürərək nəhayət qaçmağa və azadlığına qovuşmağa qərar verir.

Bacısını geri qaytarmaq istəyən Naruto onun ardınca düşür, lakin baş verən qəza nəticəsində hər iki gənc və pişik həyatını itirir. Buna baxmayaraq, onların hər üçünə dirilər dünyasına qayıtmaq üçün yeni şans verilir. Lakin bu qayıdış zamanı Naruto gözlənilmədən həmin kiçik pişiyin bədənində oyanır.

1998-ci ildə Yaponiyada ərsəyə gələn «Juliet» qısametrajlı anime filmi Public & Basic studiyası tərəfindən istehsal olunub. Ekran əsərinin rejissoru Tsuneo Tominaqa, əsas rolları səsləndirənlər isə Kae Araki, Jin Yamanoi və Kentaro Itodur.