Akuemon

Bir hökmdara verilən xəbərə görə, bütün ölkəni idarə etmək üçün mütləq min tülkü məhv edilməlidir. Bu qəddar tapşırığı yerinə yetirmək üçün yerli əhalinin nifrət bəslədiyi və qorxduğu amansız döyüşçü Akuemon işə cəlb olunur. Qılınc ustası tərəddüd etmədən meşələrdəki heyvanları ovlamağa başlayır.

Soydaşlarını qırğından qorumağa çalışan tülkülər hiyləgər bir plan qururlar. Onlardan biri insan cildinə girərək Akuemonun evinə onun arvadı qismində daxil olur və ovçunu izləməyə başlayır. Lakin zaman keçdikcə ömründə sevgi görməyən döyüşçü ilə qisas hissi daşıyan tülkü-qadın arasında gözlənilməz hisslər oyanır.

Qısametrajlı animasiya filmi olan «Akuemon» 1993-cü ildə işıq üzü görüb. Ekran əsəri Kanada və Yaponiya tərəfdaşlığı ilə ərsəyə gətirilib, layihənin vizual tərəfini isə Tezuka Productions studiyası hazırlayıb.