Küləklər qitəsi

Əsrlər boyu baş verən ekoloji fəlakətlər nəhəng torpaqları xarabazara çevirib. Bu cansız ərazilərdən üç yolçu — döyüşçü, sehrbaz və gənc qız birlikdə keçir. Səfər boyu xəzinə ovçuları ilə qarşılaşan qəhrəmanlar axırda əfsanəvi Ölülər şəhəri Azek Sistraya çatırlar.

Şəhərin üzərindəki qədim lənət ruhların dincliyini pozan hər kəsi labüd ölümlə hədələyir. Buraya qədəm basanlardan heç kim geri qayıtmağın yolunu tapmayıb. Lakin səhra quldurlarını bu təhlükələr dayandırmır; onlar ölüləri qarət etmək üçün yollarına çıxan hər bir kəsi məhv etməyə hazırdırlar.

«Kaze no tairiku» adlı tammetrajlı fentezi anime filmi 1992-ci ildə Yaponiyada istehsal olunub. Ekran əsərini Production I.G studiyasında rejissor Koichi Mashimo ərsəyə gətirib. Baş rolların səsləndirilməsində Hiroko Emori, Banjo Ginga, Marc Diraison və Wayne Grayson iştirak ediblər.