Earthian

Uzaq Eden planetinin sakinləri min illər boyu insanların əməllərini kənardan izləyiblər. İnsanoğlunun təbiətə və bir-birinə qarşı amansız rəftarı mələkləri dəhşətə gətirir və Yer kürəsini məhv etmək barədə qərar qəbul olunur. Lakin insanlara nicat tapmaq üçün sonuncu bir fürsət verilir.

İnsanları ədalətlə qiymətləndirmək məqsədilə yer üzünə xüsusi cütlüklərdən ibarət mələklər göndərilir. Onlardan biri insanların mənfi cəhətlərini və qüsurlarını qeydə alır, digəri isə yaxşılıqları və xeyirxah əməlləri hesablayır. Əgər toplanan mənfi xalların sayı on minə çatarsa, insan nəsli tamamilə məhv ediləcək.

Dörd bölümdən ibarət «Earthian» anime serialı 1989-cu ildə Yaponiyanın J.C.Staff studiyası tərəfindən istehsal edilib. Ekran işinin rejissorları Keniti Onuki və Yoriyasu Koqavadır, əsas rolları isə Nozomu Sasaki, Kazuhiko İnoue, Akira İşida və Tinami Nisimura səsləndiriblər.