Slayers

Sehrbaz qızlar Lina İnvers və Naqa növbəti quldur dəstəsini zərərsizləşdirdikdən sonra onların əşyaları arasında qəribə bir qənimət tapırlar. Bu, yox olmaq qabiliyyətinə malik sirli Mipros adasındakı isti bulaqlara olan iki bilet olur. Qızlar fürsəti əldən verməyərək dərhal dincəlmək üçün yola çıxırlar.

Lakin səfərə başlamazdan əvvəl Linanı narahat yuxular təqib etməyə başlayır. Yuxularda o, bir-birinə aşiq olan elf uşaqlarını, nur qılıncı ilə iblisi məğlub edən gənci və qoca bir sehirbazı görür. Beləliklə, xəyallarındakı dinc tətil yerini gözlənilməz sirlərə buraxır.

«Slayers» tammetrajlı macəra və fentezi animesi 1995-ci ildə Yaponiyanın «J.C.Staff» studiyası tərəfindən istehsal olunub. Rejissor kürsüsündə Hiroshi Watanabe və Kazuo Yamazaki əyləşib, əsas obrazları isə Megumi Hayashibara, Maria Kawamura, Yuri Shiratori və Mahito Tsujimura səsləndirib.