İsgəndər [TV]

Eramızdan əvvəl 356-cı ildə dünyaya gələn makedoniyalı şahzadənin taleyi qaranlıq bir kəhanətlə bağlanır: ona dünyanı məhv edəcək bir qüvvəyə çevrilmək qismət olub. Hakimiyyətə gəldikdən sonra gənc hökmdar vaxt itirmədən genişmiqyaslı yürüşlərə başlayır.

İsgəndərin qarşısındakı ən böyük maneə İran hökmdarı III Dara ilə qaçılmaz toqquşma olur. Fars torpaqlarındakı bu amansız müharibə hökmdarı kəhanətdəki qorxunc varlığa çevirir, ətrafdakı hər şeyi və onun özünü təhlükə altına qoyur.

1999-cu il istehsalı olan «Alexander Senki» animesi «Alexander the Great» franşizasının tərkib hissəsidir və 13 seriyadan ibarətdir. Yaponiyanın «Madhouse» studiyası tərəfindən ərsəyə gətirilən layihənin rejissor kürsüsündə Yoshinori Kanemori və Rintaro əyləşib.