Slayers Excellent

Lina İnversin sakitcə nahar etmək arzusu yol yoldaşı Naqanın hərəkətləri ucbatından növbəti dəfə yarımçıq qalır. Qəfildən qəsəbə meyxanasında baş verən yanğın sehrbazları bütün pullarından məhrum edir və dəymiş ziyanı ödəmək üçün onları borc içinə salır. İtkin düşmüş kənd gənclərini tapmaq məqsədilə xarabalıqlara yollanan qızlar orada qaniçən bir vampirlə üzləşirlər.

Pul qazanmaq üçün Lina və Naqa dəniz admiralının şıltaq qızını qorumaq tapşırığını qəbul edirlər. Lakin bu ərköyün qızın xasiyyəti Naqadan heç də fərqlənmir, üstəlik, onun ardınca qəribə bir sehrbaz düşüb. Çox keçmədən ikili bütün bəşəriyyətin Naqanın dözülməz gülüşünü və davranışlarını mənimsəməsinin qarşısını almalı olur. Bu işdə Linaya qəribə bir geyim dizayneri, onun tərəfdarları və nəhəng qala-qolem yardım edir.

Üç seriyadan ibarət olan «Slayers Excellent» adlı qısametrajlı anime serialı 1998-ci ildə Yaponiyada nümayiş olunub. Layihə J.C.Staff studiyası tərəfindən hazırlanıb, rejissor kürsüsündə isə Hiroshi Watanabe və Sandra Krasa əyləşib.