Andromeda Hekayələri

Andromeda qalaktikasındakı inkişaf etmiş bir planetdə şahzadə İtaka ilə şahzadə Liliyanın izdivacı iki krallığı birləşdirməli idi. Lakin səmadakı naməlum cismin görünməsi hər şeyi alt-üst edir. Planetə enən mexaniki sivilizasiya dinc torpaqlara hücum edərək yerli əhalinin böyük hissəsini əsarət altına alır.

Həmin keşməkeşli gecədə kraliçanın əkiz övladları dünyaya gəlir. Dayə Tarama körpələrdən birini xilas etmək üçün onu qladiator Balqaya etibar edir. Heç kəs hələ bilmir ki, yeni doğulmuş bu uşaqlar planetdəki bəşəriyyəti məhv olmaqdan qurtara biləcək xüsusi gücə sahibdirlər.

1982-ci il istehsalı olan «Andromeda Stories» tammetrajlı anime filmi Yaponiyanın «Toei Animation» studiyası tərəfindən çəkilib. Ekran əsərinin quruluşçu rejissoru Masamitsu Sasakidir, personajları isə Toru Furuya, Toshiko Fujita, Miyoko Aso və Harumi Iizuka səsləndirib.