Sualtı krallığın şahzadəsi

Sualtı aləmin ən gözəl su pərisi Marina quru sakinləri və onların həyatı ilə yaxından maraqlanır. Dəniz səthinə qalxan qız orada hərəkət edən gəmini və göyərtədəki yaraşıqlı şahzadəni görür. Güclü qasırğa başlayanda dalğalar gənci suya atır, lakin Marina onu batmaqdan xilas edərək sahilə çıxarır.

Xilas etdiyi şahzadəyə vurulan gənc pəri insan cildinə girmək və həyatını quruda davam etdirmək arzusuna düşür. Sevdiyi şəxsin yanında olmaq üçün o, çox böyük fədakarlıqlar etmək məcburiyyətində qalır. İnsan olmaq qərarı onun qarşısına ağır şərtlər və tələblər qoyur.

«Anderusen dôwa ningyo-hime» tammetrajlı anime filmi 1975-ci ildə Yaponiyanın Toei Animation studiyasında hazırlanıb. Ekran əsərinin rejissorları Tomoharu Katsumata və Tim Reid, əsas səs aktyorları isə Fumie Kashiyama, Taro Shigaki, Mariko Miyagi və Hideki Shibatadır.