Bungaku shôjo

Yuxarı sinif şagirdi Konoha İnoue həmyaşıdlarından fərqlənməməyə çalışsa da, vaxtilə qadınlar üçün sevgi romanları yazmaq arzusu olub. İki il əvvəl üzləşdiyi xoşagəlməz hadisə səbəbindən o, bir daha heç vaxt qələm götürməyəcəyinə dair özünə söz verib. Lakin yeni məktəbə keçdikdən sonra bu vədi qorumaq çətinləşir.

Ədəbiyyat klubunun rəhbəri Toko Amano gənci öz dərnəyinə cəlb edir. Məlum olur ki, Tokonun qidası birbaşa kitab səhifələridir. Beləliklə, dərslərdən sonra Konoha hər gün onun üçün yeni bədii yazılar qələmə almaq məcburiyyətində qalır.

Rejissor Şunsuke Tadanın ərsəyə gətirdiyi «Bungaku shôjo» adlı tammetrajlı Yaponiya animesi 2010-cu ildə işıq üzü görüb. Əsas personajları Kana Hanazawa, Miyu Irino, Aki Toyosaki və Asami Shimoda səsləndirib.