Nağıl Müşketyoru Qırmızı Papaq [TV]

Vaxtilə sehr və elmin birgə mövcud olduğu bütöv kainat Tanrı tərəfindən iki fərqli aləmə ayrılıb. Beləliklə, elmin hökm sürdüyü Elde və sehrli Fandavale dünyaları meydana gəlib. Fandavaledə Zoluşka adlı ifritənin oyanması ilə hər iki aləmi ələ keçirmək planı qurulur. Məqsədinə çatmaq üçün ifritəyə böyük gücə sahib olan xüsusi açar lazımdır.

Elde dünyasında yaşayan gənc Sota Suzukaze sehrli diyardan gəlmiş Qırmızı Papaq və onun danışan canavarı Val ilə qarşılaşır. Çox keçmədən məlum olur ki, həmin sirli açar məhz Sotanın daxilində gizlənib. İndi Qırmızı Papaq və digər sehrli müşketyorlar gənci Zoluşkanın göndərdiyi qorxunc varlıqlardan qorumalıdırlar.

«Otogi-Juushi Akazukin» 2006-cı ildə Yaponiyada istehsal olunmuş 39 seriyalı anime serialıdır. Ekran işi Madhouse və Group TAC studiyaları tərəfindən ərsəyə gətirilib, rejissor kürsüsündə isə Takaaki Ishiyama və Tsuyoshi Yoshimoto əyləşiblər.