Müqəddəs Vəhşilər [TV-1]

Keçmiş zamanlarda yer üzündəki canlılara altı müqəddəs keşikçi rəhbərlik edirdi. Lakin onlardan ikisi Yaradana qarşı çıxaraq cəzalandırıldı və xüsusi möhürlə həbs edildi. Min gün və gecə keçdikdən sonra həmin zəncir zəiflədi, azadlığa qovuşan üsyankar mələklər isə intiqam hissi ilə yenidən hərəkətə keçdilər.

Çox keçmədən Yerə göndərilən digər keşikçilər izsiz-tozsuz yoxa çıxmağa başladı. Təhlükənin yaxınlaşdığını anlayan səma qüvvələri məsələni araşdırmaq qərarına gəldi. Beləliklə, Qay, Qo, Rey və Şin bəlanın mənbəyini tapıb onu birdəfəlik məhv etmək üçün Yer kürəsinə yollandılar.

«Saint Beast: Seijuu Kourin Hen» adlı fentezi janrlı anime serialı 2003-cü ildə Yaponiyanın Tokyo Kids studiyası tərəfindən istehsal olunub. Altı seriyadan ibarət layihəyə rejissor Harume Kosaka rəhbərlik edib, əsas obrazları isə Kyoko Hikami, Keiko Horiuchi, Akira Ishida və Yumi Kakazu səsləndirib.