Mavi damla: Mələklərin dramı

Kamioka adasında baş verən faciə səkkiz yüz nəfərin həyatına son qoyduqda yalnız on bir yaşlı Mari Vakatake sağ qalır. Ailəsini və həmin gecənin xatirələrini itirən qız növbəti beş ili nənəsinin yanında, insanlardan uzaq keçirir. Ev təhsili başa çatdıqdan sonra isə o, cəmiyyətə qayıtmaq üçün qədim ənənələri olan Kayonun qapalı qızlar məktəbinə daxil olur.

On altı yaşlı Mari artıq öz sözünü deyən, sərt qaydalara boyun əyməyən müstəqil bir gəncə çevrilib. Bu xarakter onun məktəb mühitinə uyğunlaşmasını çətinləşdirir və tezliklə hamının sevimlisinə çevrilmiş nümunəvi tələbə Haqino Senkoci ilə toqquşmaya gətirib çıxarır. Əlbəyaxa dava ilə bitən mübahisənin ardınca Haqino qəfildən elə Marinin qaldığı otağa köçür.

«Mavi damla: Mələklərin dramı» adlı on üç seriyalı fantastik anime serialı 2007-ci ildə Yaponiyada istehsal olunub. Rejissor Masahiko Okuranın çəkdiyi layihə Asahi Production və BeSTACK studiyalarının birgə işidir. Baş rolları Akiko Yacima, Miyuki Savaşiro, Satsiki Yukino və Akeno Vatanabe səsləndirib.