Pişik-qız Blü: Dinamit

1970-ci illərin sonunda pişik qulaqları və quyruğu olan Blü adlı qadın müxtəlif mürəkkəb hadisələri yoluna qoyur. Ruhları görmək bacarığı və quyruğundan da istifadə edərək eyni anda üç tapança ilə atəş açmaq məharəti onun ən böyük üstünlüyüdür.

Günlərin birində maskalı naməlum şəxslər Bill və Robert adlı iki kuryerə hücum edirlər. Nə baş verdiyini anlamayan bu adamlara kömək etmək istəyən Blü öldürülən maskalının ruhunu dindirir. Məlum olur ki, basqınçıların hədəfi Billin üzərində olan və içində Sinatranın ifası yazılmış adi bir kasetdir.

«Catblue Dynamite» adlı qısa anime serialı 2006-cı ildə işıq üzü görüb. Fentezi janrında çəkilmiş bu layihə cəmi bir seriyadan ibarətdir.