Yaralı müqəddəsin intiqamı

Cid krallığı keçmişdə baş verən taun bəlasından yalnız şəfaverici qızın sayəsində xilas ola bilmişdi. Həmin xilaskar sonradan ilahə Lüşe kimi anılmağa başlayır və onun şərəfinə ucaldılan məbəddə oxşar bacarıqlı qızlar müqəddəs xanımlar statusu qazanmaq üçün toplanır. Namizədlərdən biri olan Lua Restoattın istedadı isə təhlükəlidir: o, sağaltdığı şəxslərin yaralarını birbaşa öz üzərinə götürür. Lua gizlincə bəyəndiyi cəngavər kapitanı Qarrett Vensi xilas etmək naminə canını təhlükəyə atsa da, rəfiqəsi Arianna bu fədakarlığı mənimsəyərək cəngavərin nişanlısına çevrilir.

Yaxın rəfiqəsinin bu xəyanəti Luanı başqalarını sağaltmaq niyyətindən birdəfəlik döndərir. Qız özünün gizli qalmış digər qabiliyyətinə yönəlir və topladığı bütün xəstəlikləri başqalarına ötürmək gücünü kəşf edir. Bu gizli bacarığı görən krallığın ikinci şahzadəsi Sven Luaya gizli ittifaq təklif edir. İntiqam almaq istəyən Lua məbəddəki qaranlıq sirləri aşkara çıxarmaq və ona zərər verənlərdən əvəz çıxmaq üçün şahzadənin tərəfinə keçir.

Fentezi janrında olan «Yaralı müqəddəsin intiqamı» adlı bu anime serialı 2025-ci ildə nümayiş olunub. Cəmi 12 seriyadan ibarət ekran əsəri Imagica Infos və Imageworks Studio tərəfindən hazırlanıb.