Həmin o görkəmsiz döyüşçü

Şiqeru Yoşioka törətmədiyi cinayətdə haqsız yerə ittiham olunduqdan sonra qadınlara olan inamını büsbütün itirir. Hər şeyini əldən verən baş qəhrəman işsiz qalaraq evə qapanır və günlərini məqsədsiz keçirir. Təsadüfən kompüter ekranında açılan qəribə pəncərə isə ona tamam başqa bir aləmə düşmək üçün fürsət yaradır.

Həmin sistem digər dünyaya göndəriləcək şəxsin qabiliyyətlərini əvvəlcədən təyin etmək imkanı verir. «Busamen Gachi Fighter» anime serialının qəhrəmanı öz xarici görünüşündən tamamilə imtina edir və bunun müqabilində nəhəng göstəricilər qazanır. Sistem ona yüz trilyon beş min yüz bonus xalı verir və Şiqeru yeni aləmdə ikinci şansını yaşamağa başlayır.

On iki seriyadan ibarət bu Yaponiya istehsalı layihənin rejissor kürsüsündə Toşiyuki Sone və Hiroto Kato əyləşib. Əsərin animasiyasını «White Fox» studiyası hazırlayıb. Baş personajları Cuniçi Suvabe, Maya Uçida, Kento Şiraişi və Konomi İnaqaki səsləndirib.